Sunday 17 March 2024

သစ်တိုသီး ငပိချက်

 








မာမာ ဒီနေ့တော့ သစ်တိုသီးလေးတွေ ဝယ်လာပြီး ငပိချက်လေး ချက်ပါတယ် အချဥ် အရသာလေးနဲ့ စားလို့အရမ်းကောင်းတဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။ 
ပါ၀င်ပစ္စည်းများ
  1. သစ်တိုသီး - လေးလုံး
  2. ပုဇွန်ခြောက် - အကောင်ကြီးကြီး နှစ်ဆယ်သား
  3. ကြက်သွန်နီ - ခပ်ကြီးကြီး နှစ်လုံး
  4. ကြက်သွန်ဖြူ - အနေတော်အမွှာ နှစ်ဆယ်ခန့်
  5. ငရုတ်သီး လုံးခြမ်းကွဲ -  ထမင်းစားဇွန်း လေးဇွန်း
  6. ဆီ - ထမင်းပေါင်းအိုး ဆန်ချင်ဗူး တစ်ဗူးခန့်
  7. နနွင်းမှုန့် - လက်ဖက်ရည်ဇွန်း တစ်ဇွန်း
  8. ငါးငံပြာရည် - ထမင်းစားဇွန်း လေးဇွန်း (အငံကြိုက်ပါက ပိုထည့်ပေးပါ)
  9. ဆား - ထမင်းစားဇွန်း တစ်ဝက်
  10. အရသာမှုန့် - လက်ဖက်ရည်ဇွန်း နှစ်ဇွန်း
ပြင်ဆင်ပုံ
  • သစ်တိုသီးကို အခွံခွာပြီး ရေစင်အောင်ဆေးကာ မထူမပါးလေးတွေ ပေါက်ပြီး လှီးထားပါ
  • ပုဇွန်ခြောက်ကို ရေတစ်ထပ်ဆေးကာ ရေနာရီ၀က်လောက် စိမ်ထားပြီးမှ ညက်နေအောင် ထောင်းပေးပါ။
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ။
  • ကြက်သွန်ဖြူကို အခွံခွာပြီး ရေဆေးထားပါ။
  • ပါဝင်ပစ္စည်းများကို အဆင်သင့် ပြင်ထားပါ။
  • အားလုံးအဆင်သင့် ဖြစ်ပါက ဒယ်အိုးထဲမှာ ဆီထည့်ပြီး အပူပေးပါ။
  • ဆီပူလာပါက နနွင်းမှုန့်ထည့်ကာ ကြက်သွန်နီကို ထည့်ကြော်ပေးပါ။
  • ကြက်သွန်နီများ နွမ်းလာပြီး အရောင်မပြောင်းခင်မှာ ငရုတ်သီး လုံးကြမ်းခွဲကို ထည့်ပြီး ၂မိနစ်လောက် ကြော်ပေးပါ။
  • ကြော်နေစဉ် ငရုတ်သီးများ အကျက်ညီစေရန် မကြာမကြာ မွှေမွှေပေးပါ
  • ငရုတ်သီးနံ့ မွှေးလာပါက ပုဇွန်ခြောက်ထောင်း ဆား ငါးငံပြာရည်နှင့် အရသာမှုန့်တို့ထည့်ပြီး မွှေပေးပါ
  • မကြာမကြာ မွှေပေးပြီး သစ်တိုသီးကို ထည့်မွှေပေးပါ
  • သစ်တိုသီးများ နူးအိလာစေရန် ရေမြုပ်အောင်ထည့်ပြီး တည်ပေးကာ အိုးမကပ်စေရန် မကြာမကြာ မွှေပေးပါ
  • ထည့်ထားသော ရေများခမ်းလာကာ သစ်တိုသီးများ နူးအိလာပြီး ဆီပြန်ထွက်လာတဲ့အထိ မီးအေးအေးနဲ့  တည်ပေးပါ 
  • အရသာမြည်းကာ မိမိစိတ်ကြိုက် အရသာ ရလာအောင် ပြင်ပေးကာ ကြက်သွန်ဖြူများကို ထည့်မွှေပေးပြီး မီးပိတ်ပေးပါ။
  • သစ်တိုသီး ပုဇွန်ခြောက် ငါးပိချက်ကို ခပ်ငံငံလေး ကြိုက်ပါက ဆားနှင့်ငါးငံပြာရည်တို့ကို ပိုပြီး ထည့်ပေးပါ။
  • သစ်တိုသီး ပုဇွန်ခြောက် ငါးပိချက် ချဥ်ငံစပ် မွှေးမွှေးလေး ရလာတာနဲ့ နှစ်သက်ရာ တို့စရာတို့ဖြင့် တွဲဖက်ပြီး စားသုံးနိုင်ပါပြီ။

Friday 15 March 2024

ပဲကြီးနှပ်

 



တစ်ပါတ်တစ်ရက် သတ်သတ်လွတ်စားတဲ့ ရက်တွေမှာ သတ်သတ်လွတ်အတွက် အကောင်းဆုံး ပဲတစ်မျိုးမျိုးကို ရွေးချယ်တတ်ပါတယ်။

ဒီနေ့တော့ white  beans ပဲကိုရေစိမ်ပြီး အခွံခွာကာ ပဲနှပ်လေး လုပ်ထားပါတယ် ထမင်းပူပူလေးနဲ့ လိုက်ဖက်သလို ဒီအတိုင်းစားရင်လဲ စိမ့်ပြီးကောင်းလွန်းတဲ့အတွက် မာမာပြင်ဆင်ပြီး ချက်ထားတဲ့ နည်လေးးကို မျှဝေပေးလိုက်ပါတယ်ရှင်။

ပဲပြုပ်ရန် ပါဝင်ပစ္စည်းများ

  1. White Beans - ထမင်းပေါင်းအိုး ဆန်ချင်ဗူး နှစ်ဗူး
  2. ဆား - လက်ဖက်ရည်ဇွန်း တစ်ဝက်
  3. နနွင်းမှုန့် - လက်ဖက်ရည်ဇွန်း တစ်ဝက်
  4. ရေ - လိုသလောက် သုံးပေးပါ
ပြင်ဆင်ပုံ
  • ဇလုံ ခပ်ကြီးကြီး တစ်လုံးထဲမှာ ပဲကိုထည့်ပြီး ရေနှစ်ထပ်လောက် ဆေးပေးပါ
  • ပြီးတာနဲ့ ပဲများအားလုံး မြေုပ်အောင်ထည့်ပြီး တစ်ညသိပ်လောက် ရေစိမ်ပေးပါ
  • နောက်နေ့မနက် ရောက်တာနဲ့ ရေစိမ်ထားသော ပဲများပွလာတာနဲ့ တစ်စေ့ချင်း အခွံချွတ်ပေးပါ
  • အခွံအားလုံး ချွတ်ပြီးတာနဲ့ ဇောက်နက်သော အိုးထဲမှာ ထည့်ပေးပါ
  • ပြီးတာနဲ့ နနွင်းမှုန့်ထည့်ကာ ပဲများကို ရေမြုပ်အောင်ထည့်ပြီး တည်ပေးပါ
  • ပထမတစ်ရည်ခမ်းပြီး ပဲမနူးသေးပါက ရေထပ်ထည့်ပြီး ပဲများနူးတဲ့အထိ ပြုပ်ပေးပါ
  • ပဲများ နူးလာတာနဲ့ မီးပိတ်ပေးပါ။
ပဲနှပ်ရန် ပါဝင်ပစ္စည်းများ
  1. ကြက်သွန်ဖြူ - အမွှာကြီးကြီး ဆယ်မွှာ
  2. ဆီ - ထမင်းပေါင်းအိုး ဆန်ချင်ဗူး တစ်ဗူးစာ
  3. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  4. အရသာမှုန့် - လက်ဖက်ရည်ဇွန်း တစ်ဝက်
ပြင်ဆင်ပုံ
  • ကြက်သွန်ဖြူကို အခွံခွာပြီး ရေဆေးကာမညက်တစ်ညက် ထောင်းပေးပါ
  • ဒယ်အိုးထဲမှာ ဆီနှင့်နနွင်းမှုန့်ထည့်ပြီးအပူပေးပါ
  • ဆီပူလာတာနဲ့ ထောင်းထားတဲ့ ကြက်သွန်ဖြူကို ထည့်ကြော်ပေးပါ
  • ကြက်သွ န်ကြော်များ ရွှေဝါရောင် သန်းလာတာနဲ့ ဆယ်ပြီးဆီစစ်ပေးပါ
  • ဆီအိုးထဲမှ ာဆီအနည်းငယ် ချန်ထားပြီး ထိုဆီထဲမှာ ပဲပြုပ်ကို ထည့်မွှေပေးပါ
  • ပဲပြုပ်နှင့်ဆီတို့ သမသွားတာနဲ့ အရသာမှုန့်ထည့်ပြီး မွှေပေးပါ
  • အရသာ သမသွားတာနဲ့ အရသာ မြည်းကြည့်ကာ မိမိစိတ်ကြိုက် အရသာ ရလာအောင် ပြင်ပေးပါ
  • ပြီးတာနဲ့ ပန်းကန်ထဲ ပြောင်းထည့်ပေးပြီး ပဲများအပေါ်မှ ကြက်သွန်ဖြူကြော်ဖြူးကာ ပဲနှပ် စိမ့်စိမ့်လေးကို သုံးဆောင်ရန် ပြင်ပေးနိူင်ပါပြီ။

Tuesday 12 March 2024

ဝက်သားသုပ်

 


အရင်ရက်က အသားများတဲ့ ဝက်သားတုံးလေး ဝယ်လာဖြစ်တာနဲ့  ဝက်သားသုပ်လေး လုပ်ဖြစ်ပါတယ် ဒါကြောင့်မို့လို့ အရမ်းစပ်ပြီး စားလို့အရမ်းကောင်းတဲ့အတွက် မာမာပြင်ဆင်ပြီး သုပ်ထားတဲ့ အသုပ်သုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ဝက်သားပြုပ်ပြီးသား - အနေတော် တစ်တုံး
  2. သံပုရာရည် - ထမင်းစားဇွန်း တစ်ဇွန်း
  3. ငါးငံပြာရည်  - လက်ဖက်ရည်ဇွန်း တစ်ဇွန်းသာသာ
  4. အရသာမှုန့် - လက်ဖက်ရည်ဇွန်း တစ်ဝက်
  5. ငရုတ်သီး အလှော်မှုန့် - မိမိနှစ်သက်သလောက်
  6. သခွားသီး - မိမိနှစ်သက်သလောက်
  7. နံနံပင် - မိမနှစ်သက်သလောက်
  8. ငရုတ်သီးစိမ်း - မိမိနှစ်သလောက်
  9. ငရုတ်ဆီ - ထမင်းစားဇွန်း နှစ်ဇွန်း
  10. ကြက်သွန်နီ - မိမိနှစ်သက်သလောက်


အသုပ်သုပ်ရန် ပြင်ဆင်ပုံ

  • ဝက်သားပြုပ်ပြီးသားကို မထူမပါးလေးတွေ လှီးပေးပြီး အဆင်သင့် ပြင်ထားပါ
  • ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
  • နံနံပင်ကို ရေဆေးပြီး မထူမပါး လှီးထားပါ
  • ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
  • သခွားသီးကို ရေဆေးပြီး မထူမပါးလေးတွေ လှီးထားပါ
  • သံပုရာသီးကို ရေဆေးပြီး အဆင်သင့် ပြင်ထားပါ
  • ပါဝင်ပစ္စည်းများကို အဆင်သင့် ပြင်ထားပါ
အသုပ်သုပ်ပုံ
  • ဇလုံတစ်လုံးထဲမှာ ဝက်သား ကြက်သွန်နီ ငရုတ်သီး အလှော်မှုန့် ငရုတ်ဆီ သခွားသီး နံနံပင်နှင့် ငရုတ်သီးစိမ်းတို့ ထည့်ပေးပါ
  • ပြီးတာနဲ့ ငါးငံပြာရည်နှင့် အရသာမှုန့်တို့ထည့်ကာ  သံပုရာရည်ညှစ်ပြီး နယ်ပေးပါ
  • အရသာ သမအောင် နယ်ပြီးတာနဲ့ အရသာ မြည်းပေးကာ မိမိနှစ်သက်တဲ့ အရသာ ရလာအောင် ပြင်ပေးပါ
  • အရသာ သမသွားတာနဲ့ အရမ်းစပ်ပြီး စားလို့ကောင်းလွန်းတဲ့ ဝက်သားသုပ်ကို စားသုံးရန် ပြင်ပေးနိူင်ပါပြီ။

Sunday 10 March 2024

ဝက်သား ခေါက်ဆွဲကြော်


 
မာမာ ဒီနေ့တော့ ခေါက်ဆွဲကြော် စားချင်တာနဲ့ ခေါက်ဆွဲကို ဝက်သားပြုပ်ပြီးသားနဲ့ ကြော်ပါတယ် ဒါကြောင့်မို့လို့ မာမာကြော်သလိုလေး ကြော်စားချင်တဲ့သူတွေ ကြော်စားနိူင်အောင် မာမာကြော်တဲ့ နည်းလေးကို မျှဝေပေးလိုက်ပါတယ်ရှင်။


ပါ၀င်ပစ္စည်းများ
  1. ကြက်ဥခေါက်ဆွဲအစို - လေးဆယ်သား
  2. ဝက်သားပြုပ်ပြီးသား - ဟင်းပြင်ပန်းကန် အသေး တစ်လုံးစာ
  3. ဂေါ်ဖီ - အနေတော် တစ်စိတ်
  4. မုံလာဥနီ - အနေတော် တစ်ဥ
  5. ကြက်သွန်ဖြူ - အမွှာကြီးကြီး သုံးမွှာ
  6. ပဲငံပြာရည် အပျစ် - ထမင်းစားဇွန်း တစ်ဇွန်း
  7. ပဲငံပြာရည် အကျဲ - ထမင်းစားဇွန်း တစ်ဇွန်း
  8. နှမ်းဆီမွှေး - လက်ဖက်ရည်ဇွန်း တစ်ဝက်
  9. သကြား - ထမင်းစားဇွန်း တစ်ဇွန်း
  10. ဆား - လက်ဖက်ရည်ဇွန်း တစ်ဇွန်း
  11. ဆီ - ထမင်းစားဇွန်း ရှစ်ဇွန်းခန့်
  12. ကြက်သွန်မိတ် - မိမိနှစ်သက်သလောက်
  13. ကြက်ဥ - တစ်လုံး

ပြင်ဆင်ချက်ပြုပ်ပုံ
  • ခေါက်ဆွဲကို ဇလုံတစ်လုံးထဲထည့်ကာ နှမ်းဆီမွှေး ဆား ပဲငံပြာရည် အပျစ်တို့နဲ့ နယ်ပေးထားပါ
  • မုံလာဥနီကို အခွံခွာပြီး ရေဆေးပြီး မိမိနှစ်သက်သလို လှီးထားပါ
  • ဂေါ်ဖီကို ရေဆေးကာ ခပ်ထူထူလေးတွေ လှီးထားပါ
  • ကြက်သွန်မိတ်ကို ရေဆေးပြီး အနေတော် လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • ဝက်သားကို အနေတော် အတုံးလေးတွေ တုံးထားပါ
ခေါက်ဆွဲကြော်ပုံ
  • ပါ၀င်ပစ္စည်းများကို အဆင်သင့် ပြင်ထားပါ
  • အောက်ခြေမကပ်သော ဒယ်အိုးကို အပူပေးပါ အိုးပူလာပါက ဆီထည့်ပေးပါ
  • ဆီပူလာတာနဲ့ သကြားကို အရင်ထည့်ကြော်ပါ
  • သကြားများ အရည်ပျော်လာပြီး အညိုရောင် ပြောင်းလာတာနဲ့ ကြက်သွန်ဖြူကို အရင်ထည့်ကြော်ပါ
  • ကြက်သွန်ဖြူ မွှေးလာတာနဲ့ ဂေါ်ဖီနှင့် မုံလာဥနီတို့ကို နွမ်းတယ်ဆိုရုံလေး ထည့်ကြော်ပေးပါ
  • ပြီးတာနဲ့  ဝက်သားနဲ့ ပဲငံပြာရည်အကျဲကို ထည့်ကြော်ပေးပါ
  • အသီးအရွက်များ အရမ်းနူးမသွားစေရန် ၂မိနစ်လောက် ကြော်ပြီးတာနဲ့ အရသာ နယ်ထားသော ခေါက်ဆွဲကို ထည့်ကြော်ပါ
  • အသီးအရွက်များနှင့် သမသွားအောင် မွှေပေးပြီး တစ်မိနစ်လောက် မွှေပြီးတာနဲ့ အရသာ မြည်းပေးကာ လိုသလို ပြင်ပေးပါ
  • ပြီးတာနဲ့ ခေါက်ဆွဲကြော်ကို ဘေးဖက်မှာ ခနတွန်းထားပြီး ကြက်ဥကို ဖောက်ထည့်ပြီး မွှေပေးပါ
  • ကြက်ဥ ကျက်တာနဲ့ ခေါက်ဆွဲကြော်နဲ့ ရောမွှေပေးကာ အားလုံးသမသွားတာနဲ့ ကြက်သွန်မိတ်ကို ထည့်မွှေပေးပြီးပါက ခေါက်ဆွဲကြော် မွှေးမွှေးလေးကို သုံးဆောင်နိူင်ပါပြီ။

Saturday 9 March 2024

ဝက်လက်စွပ်ပြုပ်

 


မာမာဒီနေ့တော့ ဝက်လက်လေးတွေကို စွပ်ပြုပ်ပြုပ်ပါတယ် သောက်လို့ကောင်းတဲ့အတွက် မာမာပြင်ဆင်ပြီး ပြုပ်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ဝက်လက် - တစ်ကီလို
  2. ဆား - လက်ဖက်ရည်ဇွန်း တစ်ဇွန်း 
  3. သကြား - ထမင်းစားဇွန်း တစ်ဇွန်းခွဲ
  4. နာနတ်ပွင့် - တစ်ပွင့်
  5. ခရုဆီ - လက်ဖက်ရည်ဇွန်း တစ်ဇွန်း
  6. ပဲငံပြာရည်အနောက် - လက်ဖက်ရည်ဇွန်း တစ်ဇွန်း
  7. ငရုတ်ကောင်းမှုန့် - အနည်းငယ်
  8. နှမ်းဆီမွှေး - ‌လက်ဖက်ရည်ဇွန်း တစ်ဝက်
  9. ကြက်သွန်မိတ် - သုံးပင်
  10. ကြက်သွန်ဖြူ   - အမွှာကြီးကြီး လေးမွှာ
  11. ချင်း - ခပ်ပါးပါး သုံးပြား

ချက်ပြုပ်ပြင်ဆင်ပုံ

  1. ဝက်လက်ကို အတုံးကြီးကြီး တုံးပေးပါ
  2. အမွှေးအမျှင်များ သေသေချာချာ သန့်စင်ရေဆေးကာ ရေစစ်ထားပါ
  3. ပြီးတာနဲ့ ဝက်လက်များကို ဆား ငရုတ်ကောင်း ပဲငံပြာရည်အနောက်တို့ ထည့်နယ်ပေးပါ
  4. ကြက်သွန်ဖြူနှင့် ချင်းကို အခွံခွာပြီး ရေဆေးကာ ဓားပြားရိုက်ထားပါ
  5. ကြက်သွန်မိတ်ကို ရေဆေးပြီး မထူမပါးလေးတွေ လှီးထားပါ
  6. ဒယ်အိုးထဲမှာ သကြားထည့်ပြီး သကြားများ ညိုရောင်သန်းလာတဲ့အထိ လှော်ပေးပါ
  7. သကြားများ ညိုလာတာနဲ့ အရသာ နယ်ထားသော ဝက်လက်များ ထည့်ပြီး သုံးမိနစ်ခန့် မွှေပေးပါ
  8. ပြီးတာနဲ့ လှော်ထားသော ဝက်လက်များကို Pressure Cooker အိုးထဲသို့ ပြောင်းထည့်ပေးပါ
  9. Pressure Cooker အိုးထဲမှာ ဝက်လက်များနှင့်အတူ ကြက်သွန်ဖြူ ချင်း ခရုဆီ နာနတ်ပွင့်တို့ ထည့်ပြီး ဆူအောင်တည်ပေးပါ
  10. ရေပွက်ပွက် ဆူလာပါက မိနစ်ငါးဆယ်ခန့် တည်ပေးပါ
  11. ဝက်လက်မှာ ကပ်နေတဲ့ အသားများ နူးလာပါက အရသာ မြည်းပေးပါ
  12. မိမိစိတ်ကြိုက် အရသာ ရလာအောင် ပြင်ပေးပြီး မီးပိတ်ပေးပါ
  13. စွပ်ပြုပ်ပြင်ဆင်မည့် ပန်းကန်ထဲမှာ ဝက်လက်နှင့် စွပ်ပြုပ် အရည်ထည့်ပြီး ငရုတ်ကောင်းမှုန့်နှင့် ကြက်သွန်မိတ် ထည့်ပေးကာ ဝက်လက်စွပ်ပြုပ် ပူပူလေးကို သုံးဆောင်နိူင်ပါပြီ။

Friday 8 March 2024

ဝက်လက်ပေါင်း


မနေ့က ဈေးသွားရင်းက ဝက်လက် ခုတ်ပြီးသားလေးတွေ ရောင်းနေတာ တွေ့တာနဲ့ ဝယ်လာခဲ့ပြီး ဝက်လက်ပေါင်းလေး လုပ်စားဖြစ်ပါတယ်။ ဒါကြောင့်မို့လို့ မနေ့က လုပ်စားဖြစ်တဲ့ ဝက်လက်ပေါင်း  လုပ်နည်းလေးကို ဒီနေ့မှာ မျှဝေပေးလိုက် ပါတယ်ရှင်။

ပါဝင်ပစ္စည်းများ
  1. ဝက်လက် - တစ်ကီလို
  2. ဆား - လက်ဖက်ရည်ဇွန်း တစ်ဝက်
  3. သကြား - ထမင်းစားဇွန်း တစ်ဇွန်းခွဲ
  4. အရသာမှုန့် - လက်ဖက်ရည်ဇွန်း တစ်ဝက်သာသာ
  5. ချင်း - ခပ်ပါးပါး ငါးပြား
  6. ကြက်သွန်ဖြူ - အမွှာကြီးကြီး ငါးမွှာ
  7. ကြက်သွန်မိတ် - အနည်းငယ်
  8. ငရုတ်ကောင်းမှုန့် - အနည်းငယ်
  9. ကြွေပန်းကန်လုံး - အနေတော် တစ်လုံး ( ဝက်လက်များထည့်ရန်)
  10. ပေါင်းအိုး - တစ်လုံး
ပြင်ဆင်ပြုလုပ်ပုံ
  • ဝက်လက်များကို ရေစင်အောင်ဆေးပြီး ပန်ကန်လုံး တစ်လုံးထဲမှာထည့်ပြီး ငရုတ်ကောင်းမှုန့် ဆား အရသာမှုန့်တို့နဲ့ နယ်ပေးထားပါ
  • ကြက်သွန်ဖြူကို အခွံခွာပြီး ရေဆေးထားပါ
  • ချင်းကို အခွံခွာပြီး ရေဆေးကာ ခပ်ပါးပါး လှီးထားပါ
  • ကြက်သွန်မိတ်ကို ရေဆေးပြီး မထူမပါးလေးတွေ လှီးထားပါ
  • အားလုံးအဆင်သင့် ဖြစ်တာနဲ့ ဝက်လက်ပေါင်းဖို့ ပြင်ဆင်ပေးပါ
ဝက်လက်ပေါင်းရန်

  • ဒယ်အိုးထဲမှာ သကြားကို ထည့်ပေးပြီး ညိုရောင်သန်းလာတဲ့အထိ လှော်ပေးပါ
  • သကြားများ ညိုရောင်သန်းလာတာနဲ့ ကြက်သွန်မိတ် ချင်း ကြက်သွန်ဖြူနှင့် အရသာ နယ်ထားသော ဝက်လက်များကို ထည့်မွှေပေးပါ
  • လေးမိနစ်လောက် မွှေပေးပြီးတာနဲ့ မီးပိတ်ပေးကာ ပန်ကန်းလုံးထဲကို ပြောင်းထည့်ပေးပါ
  • ဝက်လက်ပေါင်းမည့် ပေါင်းအိုးထဲကို ပေါင်းခံခုံလေး ထိတဲ့အထိ ရေထည့်ပေးပါ
  • ထိုပေါင်းခံ ခုံလေးပေါ်မှာ ပေါင်းခံမည့် ဇကာလေးကို တင်ပေးပါ
  • ထို ဇကာလေးလေး အပေါ်မှာ သကြားနှင့် လှော်ထားသော ဝက်လက်ပန်းကန်ကို တင်ပေးပါ
  • ပြီးတာနဲ့ အိုးအဖုံးကို သေသေချာချာ ပိတ်ပေးပြီး steam ခလုတ်ကိုနှိပ်ကာ မိနစ်လေးဆယ် နာရီခလုတ်ကို ချိန်ပေးကာ ပေါင်းပေးပါ
  • ဝက်လက်ပေါင်းတဲ့အချိန် ပြည့်တာနဲ့ အိုးထဲမှ လေကုန်အောင် ထုတ်ပေးပါ
  • ပြီးမှ အိုးအဖုံးကို ဖွင့်ပေးကာ ဝက်လက်ပန်းကန်ကို အပြင်သို့ ထုတ်ပေးပါ
  • ပြီးတာနဲ့  ဝက်လက်ပေါင်း အိအိမွှေးမွှေးလေးကို သုံးဆောင်ရန် ပြင်ဆင်ပေးနိူင်ပါပြီ။

Thursday 7 March 2024

ကြက်ဟင်းခါးသီး အစာသွပ်




မာမာ  ဒီနေ့တော့ ကြက်ဟင်းခါးသီးကို ဝက်သားစင်းကော အစာသွပ်ပြီး ချက်ဖြစ်ပါတယ် ဒါကြောင့်မို့လို့ မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
  1. ကြက်ဟင်းခါးသီး - အလုံးကြီးကြီး နှစ်လုံး
  2. ဝက်သားစင်းကော - 350 g
  3. ကြက်သွန်နီ - ဥကြီးကြီး တစ်လုံး (ဆီသတ်ရန် အနည်းငယ် ချန်ထားပါ)
  4. ကြက်သွန်ဖြူ - အမွှာကြီးကြီး လေးမွှာ (ဆီသတ်ရန် တစ်၀က်ချန်ထားပါ )
  5. ကော်မှုန့် - ထမင်းစားဇွန်း တစ်ဇွန်း
  6.  ကြက်ဥ - တစ်လုံး
  7. ဆား - လက်ဖက်ရည်ဇွန်း တစ်ဇွန်း (တစ်၀က်ကို အစာထဲထည့်ပေးပါ)
  8. အချိုမှုန့် - လက်ဖက်ရည်ဇွန်း တစ်ဇွန်း (တစ်၀က်ကို အစာထဲ ထည့်ပေးပါ)
  9. နနွင်းမှုန့် - လက်ဖက်ရည်ဇွန်း တစ်၀က် (ဆီသတ်ရန် တစ်၀က်ချန်ထားပါ )
  10. ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်းသာသာ
  11. ဆီ - ထမင်းစားဇွန်း ငါးဇွန်း 
ပြင်ဆင်ပုံ
  • ကြက်ဟင်းခါးသီးကို အလုံးလိုက်ရေဆေးပြီး ပုံပါအတိုင်း လက်၃လုံးစာ အထူလေးတွေ လှီးပေးပါ 
  • လှီးထားသော ကြက်ဟင်းခါးသီး အထဲမှ အစေ့များကို တဖက်ပိတ်ချန်ပြီး တဖက်မှ ကလော်ထုတ်ပေးပါ
  • ကလော်ထုတ်ထားသော ကြက်ဟင်းခါးစေ့များကိုဖယ်ပြီး အစေ့ခွံလေးများ ခွာပြီးယူထားပါ
  • ဝက်သားကို နုတ်နုတ်စဉ်းကာ ဆား နနွင်း အချိုမှုန့်တို့နဲ့ နယ်ထားပါ
  • ကြက်သွန်နီကို အခွံခွာပြီး ရေဆေးကာ ခပ်နုတ်နုတ် လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် လှီးထားပါ
  • အားလုံးအဆင်သင့် ဖြစ်ပြီဆိုတာနဲ့ ဝက်သား ကြက်ဥ ကြက်သွန်နီ ကြက်သွန်ဖြူ နနွင်းမှုန့် အချိုမှုန့် ကော်မှုန့်နှင့် ဆီအနည်းငယ်တို့ကို ရောပြီးနယ်ထားပေးပါ
  • အသားကို အရသာ နယ်ပြီးတာနဲ့ ကြက်ဟင်းခါးသီးထဲကို အစာသွပ်ပေးပါ
  • အစာသွတ်ပြီးလို့ ပိုနေတဲ့ အစာတွေကို ဆီသတ်ရန် ချန်ထားပေးပါ
  • အစာသွတ်ပြီးပြီ ဆိုတာနဲ့ ဇောက်နက်သော ဒယ်အိုးကို အပူပေးကာ ဆီထည့်ပါ
  • ဆီပူလာတာနဲ့ ချန်ထားသော နနွင်းမှုန့် ကြက်သွန်ဖြူ ကြက်သွန်နီနှင့် ငရုတ်သီးတို့ကို ထည့်ပြီးဆီသတ်ပေးပါ
  • ဆီသတ်နံ့ မွှေးလာတာနဲ့ ပိုနေသော အစာများကိုထည့်ပြီး ဆီသတ်ပါ
  • ဆီသတ်ထားသော အသားများ မာလာပါက အစာသွတ်ထားသော ကြက်ဟင်းခါးသီးများကို ထည့်ပေးပါ
  • အထက်အောက် အသာလှန်ပေးပြီး အစာသွတ်ထားသော အသားများ မာလာပါက ရေမြုပ်အောင်ထည့်ပါ
  • ပြီးတာနဲ့ ချန်ထားသော ဆားနှင့် အချိုမှုန့်ကို ထည့်မွှေပေးပြီး အဖုံးအုပ်ကာ တည်ပေးပါ
  • ရေပွက်ပွက် ဆူလာပြီး ကြက်ဟင်းခါးသီးများ နူးလာပြီဆိုရင် အရသာမြည်းပြီး လိုသလိုပြင်ပေးကာ သုံးဆောင်နိူင်ပါပြီ။