Wednesday 4 July 2012

သမီးလေးလုပျတဲ့ Poppy seed Muffin

မီးမီးလေးလုပ်ထားတဲ့ Poppy seed Muffin လေးတွေပါ


သမီးလေးလုပ်တဲ့ Poppy seed Muffinလေးပါ
ဒီနေ့မာမာ့ သမီးလေးက Muffin မုန့်လေး လုပ်ချင်တယ်ဆိုတာနဲ့ ဘီဒိုတွေအံဆွဲတွေမှာ လိုတာတွေရှာရပါတယ်။

အဆင်သင့်ပါဘဲ ပစ္စည်းအစုံရှိနေတာနဲ့ သူ့ဘာသာသူဘဲ ပြင်ဆင်ပြီးမုန့်လေးကို ဖုတ်ပါတယ်
သူကျောင်းပိတ်ထားတော့ မာမာတော်တော်လေး အနားရနေလို့ ပျော်မှပျော်ပေါ့ရှင်။

နောက်ပြီး သူကငယ်သူမို့ မုန့်လုပ်ရတာ စိတ်ရှည်တယ် ကိတ်မုန့်လေးတွေလုပ်ရင်လဲ အရမ်းလှပြီး အရမ်းစားလို့ကောင်းပါတယ်။

ဒီနေ့ သမီးလေး လုပ်ထားတဲ့ Poppy seed Muffin လုပ်ပုံလေးကို အားပေးကြပါအုံးရှင်
ဆယ့်နှစ်ခုစာအတွက် ပါဝင်ရမှာတွေက
  • ဂျုံ 1 +1/3 cups
  • ကြက်ဥ 2 eggs
  • နို့ 1/2 cup
  • ထောပတ်-1/2 cup
  • သကြား 2/3 cup
  • ဆား 1/4 teaspoon
  • ဘိန်းစေ့ 2 tablespoons
  • သံပုရာသီးအခွံ 1 tablespoon
  • သံပုရာရည် 2 tablespoons
  • Baking soda 1/2 teaspoon
  • Baking powder 1 teaspoon
  • cinnamon 1 teaspoon
    Muffin ဖုတ်ဖို့လိုတာလေးတွေပါ မုန့်ဖုတ်ဖို့ပြင်နေတုံး အရင်ဦးဆုံးOvenကို 200ဒီဂရီစင်တီဂရိတ်နဲ့ နာရီဝက် ကြိုဖွင့်ထားပေးပါ
muffin ဖုတ်ဖို့ ဗန်းကို ပြင်ထားပါ
ထောပတ်ကို အပူပေးပြီး ဖျော်ထားတာပါ
ပထမ ဇလုံထဲမှာ ထောပတ်နှင့်သကြား ရောမွှထားတဲ့အထဲကို ကြက်ဥတစ်လုံး ဖောက်ပြီးမွှေထားတာပါ
သံပုရာသီးအခွံလေးတွေကို ဂျစ်လေးနဲ့ခြစ်ပြီးယူထားပါ
ဒုတိယဇလုံထဲမှာ ဂျုံကို baking powder baking soda နှင့်ဆားတို့ကိုရောပြီး သမအောင်မွှေပါတယ်




Poppy seed လေးတွေပြင်ထားပါ
ပထမနှင့်ဒုတိယဇလုံ ၂ခုပေါင်းပြီး poppy seed cinnamon သံပုရာရည်တို့ကိုထဲ့ပြီး နို့ကိုနဲနဲချင်း ထဲ့ပြီးမွှေပေးထားပါတယ်
ဗန်းထဲက ခွက်လေးတွေကို ထောပတ်သုပ်ပေးပါတယ်
ရောမွှေထားသော မုန့်နှစ်လေးများကို ခွက်တစ်ဝက်သာသာလောက်စီ ထဲ့ပေးထားပါ
Ovenထဲမှာ 200ဒီဂရီစင်တီဂရိတ်နဲ့ အပူပေးပြီး နှစ်ဆယ့်ငါးမိနစ် ထဲ့ဖုတ်ပေးပါတယ်
နှစ်ဆယ့်ငါးမိနစ် ပြည့်ရင်မုန့်သားလေးတွေ ပွတက်လာပြီး ကျက်သွားပါပြီ
Poppy seedလေးတွေနဲ့ အရမ်းလှတဲ့Muffin လေးရပါပြီ
အလွယ်တစ်ကူဘဲ ပန်းကန်ထဲကို ပြောင်းထဲ့လုိ့ရပါတယ်
သမီးလေး စိတ်ရှည်လက်ရှည်နဲ့ ဖုတ်ထားတဲ့ မွှေးမွှေးပွပွ အရသာကောင်းလှတဲ့
Poppy seed Muffinလေး ရပါပြီ

3 comments:

  1. စားချင်စရာလေးတွေ ညီမလေးလက်ရာအားပေးသွားတယ်

    ReplyDelete
    Replies
    1. ကျေးဇူးပါဘဲ သမီးရေ
      သူလဲသမီးလိုဘဲမုန့်လုပ်တာဝါသနာပါတယ် ကျောင်းစာတွေအရမ်းများလို့မလုပ်နိုင်ဘူးလေ
      ကိတ်မုန့်လေးတွေလဲလုပ်တတ်တယ် အန်တီကတော့သမီးတို့လိုမစွန်ဘူး

      Delete
  2. မလည်း စားချင်လိုက်တာကွယ်။

    ReplyDelete