Wednesday 18 February 2015

ပုဇွန်ခြောက် ငရုတ်သီးစိမ်းထောင်း ငါးပိရည်ဖျော် မွှေးမွှေးလေး





ငါးပိရည်ဖျော်လေးပါ မာမာက ငါးပိမပါရင် ထမင်းမစားတတ်သူမို့ ငါးပိရည်ကို နေ့စဉ်လိုလိုကျိုပါတယ် ဒီနေ့တော့ ပုဇွန်ခြောက်ကိုထောင်းပြီး ကြက်သွန်နီမီးဖုတ် ကြက်သွန်ဖြူအိုးပူတိုက် ငရုတ်သီးစိမ်းလှော်တို့နဲ့ထောင်းပြီး ငါးပိရည် မွှေးမွှေးလေး ဖျော်ထားပါတယ်။

ငါးပိရည်ကျိုနည်းလေးကတော့ အရင်တခါပြောပြီးသားမို့ ဒီတခါ အဖျော်အတွက် လိုအပ်တာလေးတွေ ပြောပါမယ်။

ပါဝင်ပစ္စည်းများ

  1. ကျိုပြီးသားငပိရည် - တရုတ်ဟင်းပြင်ပန်းကန် အလတ်တစ်လုံးစာ
  2. ကြက်သွန်နီမီးဖုတ် - ခပ်ကြီးကြီး တစ်ဥ
  3. လှော်ထားသော ငရုတ်သီးစိမ်း - အတောင့် ၂၀ခန့်
  4. အိုးပူတိုက်ထားသော - ကြက်သွန်ဖြူ အမွှာကြီးကြီး  ၆မွှာ
  5. မညက်တညက် ထောင်းထားသော ပုဇွန်ခြောက် - လက်ဖက်ရည်အကြမ်းပန်းကန် တစ်လုံးနီးပါးခန့်
  6. ငရုတ်သီးအလှော်မှုန့် - လက်ဖက်ရည်ဇွန်း တစ်ဇွန်းသာသာ
  7. အရသာမှုန့် - လက်ဖက်ရည်ဇွန်း တစ်ဝက်သာသာ( နှစ်သက်လျှင်ထည့်ပါ )

ပြင်ဆင်ပုံ
  • ကြက်သွန်နီကို အပြင်ခွံများ ကျွမ်းတဲ့အထိ  မီးဖုတ်ပေးပါ။ 
  • မီးသွေးမီးဖိုမရှိလျှင် မိုက်ခရိုဝေ့ထဲမှာ ၃မိနစ်စီ ၂ခါလောက် ထည့်ပေးပါ။
  • ကြက်သွန်ဖြူ ငရုတ်သီးစိမ်းတို့ကို အပြင်အသား နည်းနည်းကျွန်းတဲ့ထိ လှော်ပြီး အခွံခွာများခွာကာ မညက်တညက် ထောင်းပေးပါ။
  • ပုဇွန်ခြောက်ကိုလဲ မညက်တညက် ထောင်းပေးပါ။
  • ကြက်သွန်နီ အပြင်ခွံကိုခွာကာ ရေဆေးပြီး မညက်တညက် ထောင်းပေးပါ။
  • ပန်းကန်လုံး တလုံးထဲမှာ ထောင်းထားသော အဖျော်များနှင့်ငရုတ်သီး အလှော်မှုန့်တို့ကိုထည့်ပြီး ကျိုထားသော ငပိရည်လောင်းထည့်ကာ သမအောင်မွှေပြီး စားပွဲပြင်ပေးနိုင်ပါပြီ။

No comments:

Post a Comment