မာမာကတော့ မုန့်လုပ်ရတာကို တော်တော်လေး ပျင်းတတ်ပါတယ် သမီးငယ်ကတော့ ကျောင်းပိတ်တဲ့ ရက်တွေဆိုရင် စိတ်ကူးရရင် ရသလို မုန့်လေးတွေ လုပ်တတ်ပါတယ်။
သမီးငယ်လုပ်တဲ့ မုန့်လေးတွေမို့လို့ အမှတ်တရလေး ဖြစ်ရလေအောင် တင်ပေးတာပါ သူလဲသူလုပ်တဲ့ မုန့်လေးတွေ အောင်မြင်တဲ့အခါ သူပျော်တာလေးအတွက် အမှတ်တရလေး ဖြစ်စေအောင် မျှဝေပေးခြင်း ဖြစ်ပါတယ်ရှင်။
ပါဝင်ပစ္စည်းများ
- ထောပါတ် - 1/2 cup
- သကြား - 1 cup
- ဂျုံမှုန့် - 3 1/2 cup
- ကြက်ဥ - တစ်လုံး
- Vanilla extract - နှစ်စက်ခန့်
- Milk - 15 ml
- လိမော်ခွံ ခြစ်ပြီးသား - ထမင်းစားဇွန်း တစ်ဇွန်း
- မုန့်ဖြတ်ပုံစံလေးများ
- ဇလုံတလုံးထဲမှာ ထောပါတ်မှလွဲပြီး ပါဝင်ပစ္စည်းများ အားလုံးကိုရောပြီး သမအောင်မွှေပေးပါ
- ပြီးတာနဲ့ ထောပါတ်ထဲ့ကာ မုန့်သားစေးလာတဲ့ထိ နယ်ပေးပါ
- မုန့်ဒိုးသား စေးပိုင်လာပါက မုန့်သားကို ပလပ်စတစ်စနှင့် ထုတ်ပြီး မိနစ်၂၀ခန့် နှပ်ထားပေးပါ
- မိနစ်၂၀ ပြည့်တာနဲ့ မျက်နှာပြင် ညီသော စားပွဲပေါ်မှာ ဂျုံမှုန့်ကို ခပ်ပါးပါး ဖြန့်ခင်းပေးပါ
- ဖြန့်ခင်းထားသော မုန့်သားကို ဒလိမ့်တုန်းနှင့် ခပ်ပြားပြားလေး ရအောင် လှိမ့်ပေးပါ
- ပြီးတာနဲ့ နှစ်သက်တဲ့ ပုံစံလေးတွေကို မုန့်သားပေါ်တင်ပြီး ဖြတ်ပေးပါ
- မုန့်သားကို ပုံစံစမဖော်ခင် ကတည်းက ovenကို 280ဒီဂရီနဲ့ နာရီဝက်ခန့် ကြိုပြီးဖွင့်ပေးထားပါ
မုန့်သားပုံစံဖော်ပြီးပါက မုန့်ဖုတ်မည့် ဗန်းထဲသို့ baking paper ခင်း၍ မုန့်သားများကို စီပြီးထဲ့ပေးပါ - ပြီးတာနဲ့ oven ထဲသို့ထည့်ကာ မိနစ်နှစ်ဆယ် ဖုတ်ပေးပါ
- မိနစ်နှစ်ဆယ် ပြည့်တာနဲ့ oven ကိုပိတ်ပြီး မုန့်ဗန်းကို အပြင်ကို ထုတ်ပေးပြီးတာနဲ့ ကွတ်ကီးစိမ့်စိမ့်လေးတွေ ရပါပြီ
- ဒီအတိုင်းဘဲစားစား လက်ဖက်ရည် ကော်ဖီလေးနဲ့ဘဲ သောက်သောက် အရမ်းကောင်းလွန်းတဲ့ ကွတ်ကီး စိမ့်စိမ့်လေးတွေကို အအေးခံကာ လေလုံပုလင်းထဲကာ စားသုံးနိူင်ပါပြီ။
ကွတ်ကီးလေးလုပ်ဖို့ လိုအပ်တာတွေ ပြင်ပါမယ်
အားလုံးကိုရောပြီး သမအောင် မွှေပေးပါ
ပြီးမှထောပတ်ထဲ့ကာ စေးလာတဲ့ထိ နယ်ပေးပါ
မုန့်သားရလာပါက နှစ်သက်တဲ့ ပုံစံလေးတွေကို
မုန့်သားပေါ်တင်ပြီး ဖြတ်ပေးပါ
မုန့်သားစလုပ်ကတည်းက ovenကို 280ဒီဂရီနဲ့ကြိုပြီးဖွင့်ပေးပါ
မုန့်သားပုံစံဖော်ပြီးပါက မုန့်ဖုတ်မည့်ဗန်းထဲသို့ baking paper
ခင်း၍ မုန့်သားများကိုစီပြီးထဲ့ပေးပါ ပြီးမှ oven ထဲသို့ ထဲ့ကာ
မိနစ်နှစ်ဆယ် ဖုတ်ပေးပြီးရင် ကွတ်ကီးမုန့်လေးများ ရပါပြီ။
No comments:
Post a Comment