ဒီနေ့တော့ ခရမ်းကစော့သီးလေးတွေကို နှပ်ပါတယ် ခရမ်းကစော့သီးက အစိမ်းတို့ မီးအုံးတို့ ငပိရည်ဖျော် ငပိချက်ချက် ဟင်းချက်သလို နှပ်စားစား အဆင်ပြေတဲ့ အသီးလေးပါ ဒါကြောင့်မို့လို့ ခရမ်းသီးနှပ်သလို နှပ်ထားပါတယ် ထမင်းပူပူမှာ ငပိရည်မွှေးမွှေး ငရုတ်သီးစပ်စပ်လေးနဲ့ နယ်ဖတ်ပြီးစားလို့ကတော့ တောထမင်း တောဟင်းလေးမို့ ထမင်းကို မြိန်စေမှာ ဖြစ်ပါတယ်။
ပါ၀င်ပစ္စည်းများ
- ခရမ်းကစော့သီး - အခိုင်ကြီးကြီး ဆယ်ခိုင်ခန့်
- ပုဇွန်ခြောက် - ဆယ့်ငါးကောင်ခန့်
- ဆီ - ထမင်းစားဇွန်း လေးဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ကြက်သွန်နီ - အနေတော် တစ်ခြမ်း
- ကြက်သွန်ဖြူ - အမွှာကြီးကြီး သုံးမွှာ
- ဆား - လက်ဖက်ရည်ဇွန်း တစ်၀က်သာသာ
- အရသာမှုန့်- လက်ဖက်ရည်ဇွန်း တစ်၀က်
ပြင်ဆင်ပုံ
- ခရမ်းကစော့သီးကို ကြေသွားအောင် တစ်လုံးခြင်း ငရုတ်ကျည်ပွေ့နှင့် ထုပေးပါ
- အားလုံးပြီးသွားပါက အညှာများ ခြွေကာ ရေ ၁၅မိနစ်လောက် စိမ်ထားပြီး ရေ ရှစ်ထပ်လောက် ဆေးပေးပါ
- ရေဆေးလို့ထွက်လာသော အစေ့များကို သွန်ပြစ်ပါ အသားကိုဘဲယူပါ
- ပုဇွန်ခြောက်ကို ရေစိမ်ပြီး မညက်တစ်ညက် ထောင်းပေးပါ
- ကြက်သွန်နီကို ပါးပါးလှီးပေးပါ
- ကြက်သွန်ဖြူကို နုတ်နုတ်စဉ်းပေးပါ
- အားလုံး အဆင်သင့်ဖြစ်ပါက အိုးကိုအပူပေးပြီး ဆီ နှင့် နနွင်းမှုန့်တို့ထည့်ပါ
- ဆီပူလာပါက ကြက်သွန်အဖြူ အနီကို နွမ်းရုံလေး ကြော်ပေးပါ
- ကြက်သွန်များနွမ်းပါက ပုဇွန်ခြောက်ကို တစ်မိနစ်သာသာလောက် ထည့်ကြော်ပေးပါ
- ပြီးတာနဲ့ ခရမ်းသီးများကို ထည့်ပြီးမွှေပေးပါ
- တစ်မိနစ်လောက် မွှေပြီးတာနဲ့ဆား အရသာမှုန့်နှင့် ရေမြုပ်အောင်ထည့်ပြီး အဖုံးအုပ်ပြီး တည်ပေးပါ
- ရေခမ်းပါက နူးမနူး စမ်းကြည့်ပါ မနူးသေးရင် ရေထပ်ထည့်ပြီး တည်ပေးပါ
- ရေခမ်းပြီး ဆီပြန်လာပါက စားသုံးနိူင်ပါပြီ။
ဒီလုုိဟင္းမ်ဳိးဆုုိအုုိင္အိုုရာတုုိ ့ကၾကိဳက္ျပီးသား။
ReplyDeleteအိုုင္အိုုရာ
ခရမ္းပင္ သီးခ်က္က လက္ကုန္ဘဲ အိုင္အိုရာေရ
Deleteစားလို႕မနိုင္ေတာ့ တပါတ္တပါတ္ အမွဳိက္ပံုးထဲ ခုတ္ခုတ္ထည့္ေနရတဲ့ အျဖစ္ေလ
မာမာလဲ အမ်ဳိးမ်ဳိး လုပ္စားတာဘဲ တေယာက္ထဲဆိုေတာ့ မနိုင္ေတာ့ဘူးရယ္