အစပ်မစားသူတွေအတွက် အဆင်ပြေစေမဲ့ ကြက်သားအချိုချက်လေး ချက်ဖြစ်လို့ ချက်နည်းလေး မျှဝေလိုက်ပါတယ်။
ပါဝင်ပစ္စည်းများ
- ကြက်ပေါင်သား - 450g
- ကြက်သွန်ဖြူ -၂မွှာ
- ကြက်သွန်နီ - အနေတော် တလုံး
- ချင်း - လက်တဆစ်ခန့်
- ပဲငံပြာရည် - ထမင်းစားဇွန်း တဇွန်းခွဲ
- အရသာမှုန့် - လက်ဖက်ရည်ဇွန်း တ၀က်
- ဆား - လက်ဖက်ရည်ဇွန်း တ၀က်
- နနွင်းမှုန့် - လက်ဖက်ရည်ဇွန်း တ၀က် ( ကြက်သားအရသာနယ်ရန်နှင့် ဟင်းဆီသတ်ရန်)
- ဆီ - စားပွဲတင်ဇွန်းကြီး တဇွန်း
ပြင်ဆင်ပုံ
- ကြက်သားကို ရေဆေးပြီး အနေတော် အတုံးလေးတွေ တုံးထားပါ
- ကြက်သွန်ဖြူ ကြက်သွန်နီ ချင်းတို့ကို အခွံခွာပြီး ရေဆေးကာ ညက်နေအောင် ထောင်းထားပါ
- ကြက်သားကို ဆား နနွင်း အရသာမှုန့်တို့နှင့် နယ်ထားပါ
- ဇောက်နက်သော အိုးတလုံးကို အပူပေးပြီး ဆီထည့်ပါ
- ဆီပူလာတာနဲ့ နနွင်းမှုန့်ထည့်ပါ
- ပြီးတာနဲ့ ကြက်သွန်ဖြူ နီ ချင်းထောင်းကို ထည့်ပြီးဆီသတ်ပါ
- ဆီသတ်နံ့ မွှေးလာတာနဲ့ အရသာနယ်ထားသော ကြက်သားကို ထည့်ပြီး ဆီသတ်ပါ
- ကြက်သားများ မာလာတာနဲ့ ရေမြုပ်အောင် ထည့်မွှေပါ
- အောက်ခြေ မကပ်စေရန်နှင့် ကြက်သားနူးစေရန် ရေမြုပ်အောင်ထည့်ပြီး အဖုံးအုပ်ကာ တည်ပေးပါ
- ပထမ တရည်ခမ်းတာနဲ့ ပဲငံပြာရည် ထည့်ပြီး ရေအနည်းငယ် ထပ်ထည့်ကာ အဖုံးအုပ်ပြီး တည်ပေးပါ
- ဟင်းအိုး မကပ်စေရန် အိုးကို မကြာမကြာ လှုပ်ပေးပြီး ဆီကျန်ရေကျန်လေး ရအောင်တည်ကာ အရသာမြည်း၍ လိုသလိုပြင်ပြီး စားသုံးရန် ပြင်နိူင်ပါပြီ
No comments:
Post a Comment