အသီးအရွက်ကြော်လေးတွေ ကြော်ဖြစ်တိုင်း ကြော်နည်းလေးတွေကတော့ တူတတ်ပါတယ် ပြင်ဆင်ပုံလေးတွေလဲ ခပ်ဆင်မို့ အလွယ်ချက် သတ်သတ်လွတ် ဟင်းတပွဲအတွက် ပြင်ဆင်နိူင်အောင် မာမာကြော်ထားတဲ့ နည်းလေးကို မျှဝေလိုက်ပါတယ်။
ပါဝင်ပစ္စည်းများ
ပါဝင်ပစ္စည်းများ
- ကိုက်လံအပင် - ခွန်နှစ်ပင်
- ကြက်သွန်ဖြူ - အမွှာကြီးကြီး နှစ်မွှာ
- အချိုမှုန့် - လက်ဖက်ရည်ဇွန်း တစ်ဇွန်း
- ဆား - လက်ဖက်ရည်ဇွန်း သုံးပုံတစ်ပုံ
- ဆီ - ထမင်းစားဇွန်း သုံးဇွန်း
- နနွင်းမှုန့် - လက်ဖက်ရည်ဇွန်ု သုံးပုံတစ်ပုံ
- ငရုတ်ကောင်းမှုန့် - လက်ဖက်ရည်ဇွန်း တစ်ဝက်
ပြင်ဆင်ပုံ
- ကိုက်လံအပင်ရဲ့ ရင့်နေတဲ့ နေရာများကို အကြောသင်ပြီး အနေတော် ပိုင်းဖြတ်ကာ ရေစင်အောင် ဆေးပြီး ရေစစ်ထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ဒယ်အိုးကို အပူပေးပြီး ဆီနှင့် နနွင်းမှုန့်ထည့်ပါ
- ဆီအငွေ့ တက်လာတာနဲ့ ကြက်သွန်ဖြူကို နွမ်းရုံလေး ထည့်ကြော်ပါ
- ပြီးတာနဲ့ ရေစစ်ထားသော ကိုက်လန်များထည့်ပြီး ဆားနှင့် အချိုမှုန့်ထည့်မွှေပါ
- နှစ်မိနစ်လောက် ကြော်ပြီးတာနဲ့ ငရုတ်ကောင်းမှုန့် ဖြူးပြီး စားသုံးနိူင်ပါပြီ။
No comments:
Post a Comment