ကြက်သားဟင်းကို များသောအားဖြင့် အချိုချက် ရိုးရိုးဆီပြန်ချက် ပြုပ်ချင်ပြုပ် ကြော်ချင်ကြော် ကင်ချင်ကင် အမျိုးစုံအောင် လုပ်စားကြသလို အခုလို ပျဉ်းတော်သိမ်းရွက် ဆီသတ်ပြီးချက်ရတဲ့ ကြက်သားဆီပြန် မွှေးမွှေးလေးကိုလဲ ချက်စားကြည့်စေချင်လို့ မာမာချက်တဲ့ ချက်နည်းလေး မျှဝေလိုက်ပါတယ်။
ပါဝင်ပစ္စည်းများ
ကြက်သားအရသာနယ်ရန်
- ကြက်သား - 500g (အနေတော်တုံးထားပါ)
- ငံပြာရည် - ထမင်းစားဇွန်း တဇွန်း
- ဟင်းချိုမှုန့် - လက်ဖက်ရည်ဇွန်း တဝက်
- နနွင်းမှုန့် - လက်ဖက်ရည်ဇွန်း လေးပုံတပုံ
- ဆား - လက်ဖက်ရည်ဇွန်း တဝက် အားလုံးတို့ကို ကြက်သားထဲထည့်ပြီး အရသာဝင်အောင် နယ်ထားပါ
ဟင်းချက်ရန် လိုသောပစ္စည်းများ
- ဆီ - ထမင်းစားဇွန်း ၇ဇွန်း
- ကြက်သွန်ဖြူထောင်းရန် - ငါးမွှာ
- ကြက်သွန်နီ မညက်တညက်ထောင်းရန် - ခပ်ကြီးကြီး တဥ
- ချင်းထောင်းရန် - လက်တဆစ်ခန့်
- စပါးလင်ထောင်းပြီးသား - ထမင်းစားဇွန်း တဇွန်း
- ငရုတ်သီးအရောင်တင်မှုန့် - ထမင်းစားဇွန်း တဇွန်း
- ပျဉ်းတော်သိမ်းရွက် - ၃ခက်
ပြင်ဆင်ပုံ
- ကြက်သားနှင့်ချက်ရန် လိုအပ်သော ပစ္စည်းများကို ပြင်ထားပါ
- ဇောက်နက်သော အိုးတလုံးကို အပူပေးပြီး ဆီထည့်ပါ
- ဆီပူလာတာနဲ့ ကြက်သွန်ဖြူ နီ ချင်း စပါးလင်ထောင်း ပျဉ်းတော်သိမ်းရွက်နှင့် ငရုတ်သီးမှုန့်တို့ကို မွှေးလာာတဲ့ထိ ဆီသတ်ပေးပါ
- ဆီသတ်နံ့ မွှေးလာတာနဲ့ အရသာနယ်ထားသော ကြက်သားကိုထဲ့ပြီး ဆီသတ်ပေးပါ
- ကြက်သားအသားများ မာကျစ်လာတဲ့ထိ သုံးမိနစ်လောက် ဆီသတ်ပေးပါ
- အသားများမာလာမှ ရေကိုမြုပ်အောင်ထည့်ပြီး ဆက်တည်ပေးပါ
- ရေမခမ်းခင် အရသာမြည်းပြီး လိုသလို ပြင်ပေးပါ
- ရေခမ်းပြီး ဆီပြန်လာပါက ပျဉ်းတော်သိမ်းရွက်နံ့ မွှေးလွန်းတဲ့ ကြက်သားဆီပြန်ကို စားသုံးနိူင်ပါပြီ။
No comments:
Post a Comment