အခုရက်ထဲ ငါးဆုပ်လေးတွေ စားချင်စိတ်ပေါ်လေတော့ ရာသီစာ ခရမ်းချဉ်သီး ငါးဆုပ်ချဉ်ချဉ်လေး ချက်ပြီး ထမင်းပူပူလေးနှင့် စားကြ လေသတည်းပေါ့။
ဒီတစ်ခါတော့ ဘာဆာငါးကို ဆန်လှော်ထောင်းနဲ့ ငါးဆုပ်ထောင်းကာ ချက်ထားတာမို့ ငါးအရသာ မွှေးမွှေးလေးနဲ့ ထမင်းမြိန်စေမဲ ဟင်းတစ်မယ်အတွက် ချက်နည်းလေးကို မျှဝေပေးလိုက်ပါတယ်။
ပါဝင်ပစ္စည်းများ
- ဘာဆာငါး - 500 g
- ဆန်လှော်မှုန့် - ထမင်းစားဇွန်း မောက်မောက် နှစ်ဇွန်း
- အချိုမှုန့် - လက်ဖက်ရည်ဇွန်း တစ်ဇွန်း (ဟင်းချက်ရန် တစ်ဝက် ငါးခြစ်ထောင်းရန် တစ်ဝက်)
- ကြက်သွန်ဖြူ - ၆မွှာ (ဟင်းချက်ရန်နှင့် ငါးဖယ်ထောင်းရန် တစ်ဝက်စီခွဲသုံးရန်)
- ချင်း - လက်တစ်ဆစ်သာသာ (ဟင်းချက်ရန်နှင့် ငါးဖယ်ထောင်းရန် တစ်ဝက်စီခွဲသုံးရန် )
- ဆား - လက်ဖက်ရည်ဇွန်း သုံးပုံတစ်ပုံ
- ကြက်သွန်နီ - အနေတော် နှစ်လုံး
- နနွင်းမှုန့် - လက်ဖက်ရည်ဇွန်း တစ်ဝက်သာသာ( ဟင်းချက်ရန်နှင့် ငါးခြစ်ထောင်းရန် တစ်ဝက်စီ)
- ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်းခွဲ
- ခရမ်းချဉ်သီး - အလုံးကြီးကြီး သုံးလုံး (သို့မဟုတ်) ready made ခရမ်းချဉ်သီးဗူး 400 g
- ငါးငံပြာရည် - ထမင်းစားဇွန်း သုံးဇွန်း
- ဆီ - ထမင်းစားဇွန်း ခွန်နှစ်ဇွန်း (ဟင်းချက်ရန်)
- ဆီ - လိုသလောက် သုံးပေးပါ (ငါးဆုပ်ကြော်ရန်)
- ရေ - ငါးဖယ်ငါးဆုပ် မြုပ်အောင်ထည့်ရန် လိုသလောက်
- ဘာဆာငါးကို ရေဆေးပြီး ဇွန်းနှင့်ခြစ်ထားပါ
- ခြစ်ထားသော ဘာဆာငါးခြစ်ကို ဆန်လှော်မှုန့် ဆား အချိုမှုန့် လက်ဖက်ရည်ဇွန်း တစ်ဝက်စီ ကြက်သွန်နီ တစ်ဥ ကြက်သွန်ဖြူ သုံးမွှာ ချင်းလက်တစ်ဆစ်ရဲ့ တစ်ဝက်တို့နဲ့ ရောပြီး မာပြီးစေးထန်းလာတဲ့အထိ ထောင်းပေးပါ
- ငါးခြစ်ထောင်း မာပြီးစေးထန်းလာပါက လက်ကို ဆီအနည်းငယ်စွတ်ပြီးမှ ငါးခြစ်ထောင်းကို အနေတော်ယူကာ အားလုံးကို အဆင်ပြေသလို ဆုပ်လုံးပေးထားပါ
- ဒယ်အိုးတစ်လုံးကို အပူပေးပြီး ဆီထည့်ကာ အပူပေးပါ
- ဆီပူလာတာနဲ့ ငါးဆုပ်များကို တစ်လုံးခြင်း ထည့်ကြော်ပေးပါ
- ငါးဆုပ်တလုံးလုံး ရွှေဝါရောင် သန်းလာပါက ဆယ်ပြီးဆီစစ်ထားပါ
- ခရမ်းချဉ်သီးကို နူးအောင်ပြုပ်ပြီး အခွံခွာထားပါ
- Ready made ဗူးကို သုံးပါက အဆင်သင့် ပြင်ထားပါ
- ကြက်သွန်နီ ကြက်သွန်ဖြူ ချင်းတို့ကို အခွံခွာပြီး ရေဆေးကာ ငရုတ်သီးအရောင်တင်မှုန့်နှင့် ရောပြီးထောင်းပေးထားပါ
- ဒယ်အိုးတစ်လုံးထဲ ဆီထည့်ပြီး အပူပေးပါ
- ဆီပူလာတာနဲ့ နနွင်းမှုန့်နှင့် ငရုတ်သီးထောင်းတို့ကို ထည့်ပြီးဆီသတ်ပါ
- ဆီသတ်ထားသော ငရုတ်သီးထောင်းများ မွှေးလာတာနဲ့ ငါးငံပြာရည်ထည့်ပြီး သုံးလေးချက်လောက် မွှေလိုက်ပါ
- ပြီးတာနဲ့ အခွံခွါထားသော ခရမ်းချဉ်သီးများထည့်ကာ ကြေသွားအောင် မွှေကြော်ကြော်ပေးပါ
- ခရမ်းချဉ်သီးများ ကြေလာတာနဲ့ အချိုမှုန့်နှင့် ရေကိုထည့်ပြီး ဆူလာအောင် တည်ပေးပါ
- ရေဆူလာတာနဲ့ ကြော်ထားသော ဘာဆာငါးဆုပ်များကို ဆီသတ်ထားသော အိုးထဲထည့်ကာ အိုးအဖုံးကို ဖုံးပေးပြီး ၈ မိနစ်လောက် တည်ပေးပါ
- ဟင်းအိုး တည်နေစဉ် ငါးဆုပ်လုံးထဲ အရသာ အ၀င်ညီစေရန် လေး ငါးခေါလောက် မွှေမွှေပေးပါ
- ပြီးတာနဲ့ အရသာမြည်းပြီး လိုသလိုပြင်ကာ အရည်လေးနဲ့ စားချင်ရင် ရေမခမ်းခင် မီးပိတ်ပေး၍ ဘာဆာငါးခြစ် ငါးဆုတ်ဟင်းကို စားသုံးနိူင်ပါပြီ ။
- ဆန်လှော်မှုန့် လှော်နည်းကို ဘလော့မှာ တင်ထားပြီးသားဖြစ်ပါတယ်။
No comments:
Post a Comment