Saturday 13 August 2016

ဆယ်လမွန်​ငါးဟင်း အနှစ်​ဆမ်း PASTA




ဆယ်လမွန်ငါးတွေ ၀ယ်ထားပြီး ဘယ်လိုချက်စားရင် ကောင်းမလဲ စဉ်းစားနေရင်က ဆီပြန်ချက်တာလဲ မစားချင် ကင်ထားတာလဲ မစားချင်နဲ့ နောက်ဆုံးတော့ ခရမ်းချဉ်သီးနဲ့ အနှစ်ချက်ပြီး Pasta လုပ်ဖြစ်သွားပါတယ် တကယ်တမ်း ဟင်းအနှစ်ချက်ရင်တော့ အမွှေးနံ့သာတွေ အဆီအစိမ့်တွေ အများကြီးထည့်ရပါတယ်။

မွေးလာတဲ့ ဆီဦးထောပတ် စားလာတာ မဟုတ်လေတော့ သူတို့ချက်နည်းအတိုင်း ချင်ရင် လျှာမှာ အရသာ မတွေ့တဲ့အတွက် အရသာကို လိုသလိုပြင်ကာ  ချက်နည်းလေးကတော့ မာမာအရင်တုန်းကချက်တဲ့ ချက်နည်းတွေ အတိုင်းပါဘဲ ချက်စားကြည့်စေချင်ပါတယ်။

ပါဝင်ပစ္စည်းများ

  • PASTA အခြောက် - 400g
  • ဆယ်လမွန်ငါး - 400g
  • ကြက်သွန်ဖြူ - ၃မွှာ
  • ကြက်သွန်နီ - အလုံးကြီးကြီး ၂လုံး
  • ကြက်သွန်မိတ် - အပင်ကြီး ၂ပင်ခန့်
  • သံလွင်ဆီ - စားပွဲတင်ဇွန်းကြီး တဇွန်း ( ရိုးရိုးဆီသုံးလဲရ)
  • ခရမ်းချဉ်သီးအနှစ် - 400g
  • ဆား - လက်ဖက်ရည်ဇွန်း တဇွန်း
  • ငရုတ်ကောင်းမှုန့် - လက်ဖက်ရည်ဇွန်း တ၀က်
  • အရသာမှုန့် - လက်ဖက်ရည်ဇွန်း တဇွန်း
  • နနွင်းမှုန့် - လက်ဖက်ရည်ဇွန်း သုံးပုံတပုံ
ပြင်ဆင်ပုံ
  1. PASTA ကို ရေနွေးဆူဆူ မြုပ်အောင်ထည့်ပြီး နူးလာအောင် ပြုပ်ပေးပါ
  2. နူးလာတာနဲ့ ရေနွေးကိုသွန်ပြီး ရေအေးနှင့် ဆေးပြီး ရေစစ်ထားပါ
  3. ဆယ်လမွန်ငါးကို အနေတော်တုံးပြီး ဆား အရသာမှုန့် နနွင်းမှုန့်တို့နဲ့ နယ်ထားပါ
  4. ကြက်သွန်မိတ်ကို ရေဆေးပြီး အနေတော် လှီးထားပါ
  5. ကြက်သွန်နီ ကြက်သွန်ဖြူတို့ကို ခပ်နုတ်နုတ်လှီးပေးထားပါ
  6. ဆီကိုအပူပေးပြီး ကြက်သွန်ဖြူ ကြက်သွန်နီတို့ကို အရင်ဆီသတ်ပေးပါ
  7. နည်းနည်းနွမ်းလာတာနဲ့ ခရမ်းချဉ်သီးအနှစ်ကိုထည့်ပြီး တမိနစ်လောက် မွှေပေးပါ 
  8. ပြီးတာနဲ့ အရသာနယ်ထားသောငါးကိုထည့်ပြီး မွှေပါ
  9. ရေခမ်းအောင်မတည်ဘဲ ရေအနေတော်လောက်ရတာနဲ့ ကြက်သွန်မိတ်နှင့် ငရုတ်ကောင်းမှုန့်ဖြူးပြီး မီးပိတ်ပေးပါ
  10. ပြုပ်ထားသောပါစတာကို ပန်းကန်ပြားထဲမှာ တပွဲစာထည့်ပြီး ငါးဟင်းအနှစ်ဆမ်းပြီး စားပွဲပြင်နိူင်ပါပြီ။

No comments:

Post a Comment