Monday 20 March 2017

ငါးဆုတ်​​ကြော်​




ငါးဖယ်လိုဘဲ မာပြီးအသား အထပ်လိုက်ရပြေီး စားလို့ကောင်းအောင် ဗလင်ဒါထဲ ထည့်ကြိတ်ထားတဲ့ ဘာဆာငါးဆုတ်ကြော်ပါ ဗလင်ဒါနဲ့မကြိတ်ဘဲ ပေါက်မယ် ထောင်းမယ်ဆိုရင်တော့ အနည်းဆုံး အချက် ၃၀၀လောက်ပေါက်ရ ထောင်းရပါမယ်။

ဗလင်ဒါထဲ ထည့်ပြီးကြိတ်မယ် ဆိုရင်တော့ တမိနစ်ကြိတ် တခါနားပြီး ၁၀ခါလောက် ကြိတ်ပေးရင် ကြော်တဲ့အခါမှာ ငါးဖယ်လိုဘဲ ရပါတယ်။

ဘာဆာငါးဆုပ်ကြော်လေး ရပြီဆိုရင်တော့ အာပူလျှာပူ ချက်သောက်မလား မုန့်ဟင်းခါးနဲ့စားမလား အုန်းနို့ခေါက်ဆွဲနဲ့စားမလား ရခိုင်မုန့်တီနဲ့ စားမလား ဒီအတိုင်း သုပ်စားမလား ငါးဆုပ်အစာသွပ် လုပ်စားမလား ဆီပြန်လေးပြန်ချက်မလား မျိုးစုံအောင် လုပ်စားနိူင်တဲ့ ငါးဆုတ်လေး ရမှာပါ။

ပါဝင်ပစ္စည်းများ (ငါးဆုတ်ကြော်အတွက် ငါးအရသာနယ်ရန်) 

  1. ဘာဆာငါး - 700 g
  2. ဆား - လက်ဖက်ရည်ဇွန်းတဝက်
  3. ဟင်းချိုမှုန့် - လက်ဖက်ရည်ဇွန်းတဝက်
  4. နနွင်းမှုန့် - လက်ဖက်ရည်ဇွန်းလေးပုံတပုံ (အားလုံကိုရောပြီး ဗလင်ဒါထဲမှာ ကြိတ်ပေးပါ)


ငါးဆုတ်ကြော်ရန်
  • ဆီ - လက်ဖက်ရည်ပန်းကန်လုံး တလုံးခွဲ
  • ကြိတ်ပြီးသားငါးအသားကို အရင်ဆုံး လက်ကိုရေဆွတ်ပြီး ကိုယ်နှစ်သက်တဲ့ ပုံစံလေးများ ရအောင် ငါးကုန်တဲ့အထိ တလုံးခြင်း ဆုတ်ပေးပါ
  • ဒယ်အိုးတလုံးကို အပူပေးပါ အိုးပူမှ ဆီနှင့် နနွင်းမှုန့်ကိုထည့်ပါ
  • ပြီးမှ မီးအပူရှိန်ကို နည်းနည်းလျှော့ပြီး ဆီပူအိုးထဲသို့ တလုံးချင်း ထဲ့ပြီးကြော်ပေးပါ
  • ဆီအိုးထဲမထည့်ခင် လက်ကိုရေဆွတ်ပြီး  ဆုတ်ထားသောငါးဆုတ်ကို ငါးချက်လောက် ဆုတ်ပြီးမှ အနေတော် ပြားပြားလေး လုပ်ပေးကာ ဆီအိုးထဲကို ထည့်ပါ
  • ကြော်နေစဉ် အကျက်ညီစေရန် ငါးဆုတ်ကို နောက်တဖက် လှည့်ပေးပါ
  • တခုလုံး ရွှေဝါရောင်သန်းပါက ဆယ်ပြီး ဆီစစ်ထားပါ
  • အလွှာအထပ်လေး ရလာတဲ့ ဘာဆာငါးဆုတ် မွှေးမွှေးလေး ရပါပြီ။

No comments:

Post a Comment