ငါးမြင်းလို့နံမည်တပ်ပေမဲ့ မြန်မာပြည်မှာ မွေးမြူရေးငါးတန်ကို ငါးမြင်းလို့ နံမည်တပ်တယ်ဘဲ ထင်ပါတယ် ငါးမြင်းအစစ်က ငါးအသားက အ၀ါရောင်ဘက်ကိုသန်းပြီး စားရတာ ပိုပြီးနူးညံ့ပါတယ်။
ငါးတန်ငါးကတော့ အနံ့သိပ်မကြိုက်တဲ့အတွက် ချက်စားရတာထက် ငါးဆားနယ်လုပ်ပြီး ကြော်စားရတာ ပိုပြီးကောင်းပါတယ် ဒါကြောင့်မို့လို့ ငါးဆားနယ်လုပ်ကာ ကြော်ထားတဲ့ ငါးဆားနယ် ကြော်နည်းလေး မျှဝေလိုက်ပါတယ်။
ပါဝင်ပစ္စည်းများ
- ငါးမြင်း (ငါးတန်) - တစ်ကီလို
- ဆီ - စားပွဲတင်ဇွန်းကြီး ၂ဇွန်း
- ငရုတ်သီးအခြောက်တောင့် - နှစ်သက်သလောက်
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆားကြမ်း - ထမင်းစာဇွန်းမောက်မောက် ၃ဇွန်း
- ငါးကိုအကောင်လိုက် ရေဆေးပြီး အနေတော် ပိုင်းပေးပါ။
- ငါးနှင့်ဆားတို့ကို ဇလုံကျယ်ကျယ်ထဲထဲ့ပြီး နှံ့အောင်မွှေပေးပါ။
- ပန်းကန်ပြား သို့မဟုတ် ဇလုံတစ်ချပ်ခံပြီး ဆားနယ်ထားသော ငါးများကို စီပြီးထဲ့ပေးပါ။
- ငါးထဲ့ထားသော ပန်းကန်ပြားကို ပလပ်စတစ်အိတ်နဲ့လုံနေအောင်ပိတ်ပြီး အပေါ်မှ အလေးတစ်ခုခုနဲ့ ဖိထားပါ။
- ဖိထားသော ငါးထဲမှ ဆားရည်များ အပြင်သို့ ကျမလာစေရန် အောက်မှ ပန်းကန်တခု ထပ်ခံပေးထားပါ။
- အိမ်တွင်းမှာရှိတဲ့ အခန်းအပူချိန်နဲ့ဘဲ ထားထားပါ။
- ၂ရက်၃ရက်အတွင်း ထားလိုက်ရင် ငါးဆားနယ် ရပါပြီ။
ကြော်ရန်အတွက်
- ငါးဆားနယ်ကို ဆားအငံ ပေါ့စေရန် ရေအနည်းဆုံး ၅ထပ်လောက် ဆေးပေးပါ။
- အငံတော်တော်လေး ပေါ့စေချင်ရင်တော့ ဆန်ဆေးရေမှာ ၁၀မိနစ်လောက် စိမ်ပြီးမှဆေးပေးပါ။
- ငရုတ်သီး အခြောက်တောင့်တို့ကို ပြင်ထားပါ။
- ဆီကိုဒယ်အိုးထဲမှာ ထည့်ပေးပြီး မီးအလယ်အလတ်လောက်နဲ့ အပူပေးပါ။
- ဆီပူလာပါက နနွင်းမှုန့်အနည်းငယ် ထဲ့ပေးပါ။
- ပြီးတာနဲ့ ငါးဆားနယ်ကို ထဲ့ကြော်ပေးပြီး တစ်ဖက်ကျက်ရင် တစ်ဖက်ကို လှန်ပေးပါ။
- နှစ်ဖက်လုံးကျက်ရင် ဆယ်ပြီးဆီစစ်ထားပါ။
- ကြော်ပြီးလို့ ပိုသောဆီကို ဖယ်ပေးပြီး ဒယ်အိုးထဲမှာ အနည်းငယ်ချန်ထားကာ မီးပိတ်ပေးပါ။
- မီးဖိုမှ လက်ကျန်အပူရှိန်နှင့် ထိုဆီထဲသို့ ငရုတ်သီးတောင့်ကိုထဲ့ကာ ညိုရောင်သန်းလာတဲ့ထိ ကြော်ပြီး ဆယ်ထားပါ။
- ပြီးတာနဲ့ငါးဆားနယ်ကြော်နှင့် ငရုတ်သီးတောင့်ကြော်ကို ပန်းကန်ထဲထည့်ကာ ပြင်ပေးပြီး ဒန့်ဒလွန်ရွက်ဟင်းခါး ဒန့်ဒလွန်ရွက် အရွက်နုလေးများ ပြုပ်ကာ တွဲဖက်၍ စားသုံးနိူင်ပါပြီ။
No comments:
Post a Comment